ÍSKRAFT var stofnað af Herborgu Halldórsdóttur og Hreggviði Þorgeirssyni í nóvember 1975.

Í upphafi einskorðaði fyrirtækið sig við útvegun raflagnaefnis til rafveitna, ekki síst til RARIK sem þá vann að lagningu Byggðalínu.

ÍSKRAFT útvegaði í þetta umfangsmikla verkefni, tengivirki, línuvír, einangra, spennubreyta og margt fleira.

Árið 1980 jukust umsvifin á hinum almenna rafiðnaðarmarkaði og hefur síðan verið unnið stöðugt að útvíkkun starfseminnar á því sviði.

Í árslok 1987 sameinuðust ÍSKRAFT og Ásel hf. í Garðabæ og jókst þá vöruúrvalið á sviði töflubúnaðar mjög. 

Árið 1997 keypti ÍSKRAFT húsnæði að Smiðjuvegi 5 í Kópavogi þar sem reksturinn er í dag.

Árið 1999 var stofnað útibú á Akureyri sem er til húsa að Hjalteyrargötu 4.

Þar eru 5 starfsmenn og þjóna Norðurlandi frá Sauðárkróki til Húsavíkur.

Húsasmiðjan kaupir Ískraft

Í október árið 1999 keypti Húsasmiðjan ÍSKRAFT og hefur sú breyting eflt starfsemina enn frekar með auknu vöruúrvali og þjónustu við viðskiptavini okkar.

Í júní árið 2000 var starfsemi perudeildar H.G.Guðjónssonar ehf. sameinuð ÍSKRAFT og í ársbyrjun 2001 voru lampadeildir Árvíkur ehf. og Seguls ehf. sameinaðar ÍSKRAFT.

Þessar breytingar juku stórlega úrval ljósapera, inni- og útilampa, ljóskastara ásamt siglingaljósum, leitarkösturum og skipalömpum. Starfsemin hefur vaxið jafnt og þétt undanfarin ár og höfum við ríflega 1600m² til umráða í Kópavogi og starfsmenn í Kópavogi eru 26 talsins.

Í júní 2006 var opnað útibú á Egilstöðum og eru starfsmenn þar tveir. 

6. nóvember 2007, opnaði Ískraft útibú á Selfossi og starfa tveir starfsmenn þar, 14 mars 2008 var opnað útibú í Reykjanesbæ og starfa þar einnig tveir starfsmenn.

Eins og viðskiptamenn okkar vita er í starfsliði ÍSKRAFT einvala lið af vel menntuðum fagmönnum og tæknimönnum.

Leitast þeir við að veita sem besta þjónustu á hverjum tíma. 
Þekking og reynsla þeirra nýtist jafnt til sjós og lands.

Húsasmiðjan er hluti af BYGMA

Húsasmiðjan er hluti af dönsku byggingavörukeðjunni BYGMA sem starfrækir verslanir í Danmörku, Svíþjóð, Íslandi og Færeyjum. Hjá BYGMA starfa samtals um 2.100 manns í meira en 100 verslunum. BYGMA er danskt fjölskyldufyrirtæki, stofnað árið 1952 og er í dag ein af leiðandi byggingavörukeðjum í Danmörku.

Vissir þú að Ískraft...

  • var stofnuð árið 1975
  • rekur 5 útibú um land allt
  • hefur verið hluti af dönsku byggingavörukeðjunni BYGMA síðan 2012

Gildin okkar eru...

  • Þjónusta
  • Metnaður
  • Sérþekking